Кыргызстандык Codify Lab компаниясы 5 млн долларга бааланды

Назира Абдиева

20 мая 2022 21:02

Codify Lab Accelerate Prosperity уюму тарабынан 5 млн АКШ долларына бааланды жана 400 миң доллар инвестиция алышат.

Codify лабораториясынын негиздөөчүсү Динара Руслан компания мындай жыйынтыктарга эки жылдан ашык убакыттан бери келе жатканын айтты.

«Биздин Codify компаниябыз 2019-жылы Codify Teens IT-кесиптеринин академиясы катары түзүлгөн, анда мен биринчи долбоорду башкаруу программасын жазып, Фейсбуктагы пост аркылуу биринчи курстарымды ачтым. Ошондо мен 2 жылдан кийин компания 5 млн долларга бааланат деп ойлогон эмесмин, бир кезде бул жөн эле кыял болчу», – дейт Динара Руслан кубанычы менен бөлүшүп.

Codify – бул Codify Lab алкагында инновациялык продуктыларды иштеп чыгууга жана Codify Academy алкагында чоңдор менен балдарга IT кесиптерин үйрөтүүгө адистешкен IT компаниялардын тобу.

Учурда компания EdTech, HealthTech, E-Commerce тармагында инновациялык өнүмдөрдү иштеп чыгууда жана Сингапурдагы, Австралиядагы, Улуу Британиядагы кардарлар үчүн ишенимдүү техникалык өнөктөш болуп келет. Ошондой эле чоңдор жана балдар үчүн иштеп чыгуу, долбоорлорду башкаруу жана дизайн боюнча курстары бар. Мындан тышкары Кыргызстан жана Өзбекстанда IT билим берүү тармагында «Войти в IT» деп аталган масштабдуу иш-чараларды өткөрүүдө.

Accelerate Prosperity (AP) – бул Ага Хан Өнүктүрүү Уюмунун (AKDN) Борбордук жана Түштүк Азиядагы жаңы глобалдык демилгеси болуп, экономикалык жактан мүмкүнчүлүгү чектелген башталгыч ишкерлерге ар тараптуу колдоо көрсөтөт. Акыркы 5 жылдын ичинде AP 2400дөн ашык бизнес өкүлдөрүн окутууда жана консультацияда колдоо көрсөтүп, региондогу ар кандай секторлордогу ишкерлер үчүн 4.4 млн долларга жакын инновациялык каржылоону камсыз кылган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”