Казакстандан аткезчилик жол менен тонналаган күйүүчү май «Кең-Булуң» аркылуу ташылууда

Назира Абдиева

23 мая 2022 21:38

Кыргыз-казак чек арасындагы «Кең-Булуң» өткөрүү пунктунун жанына кайрадан жүздөгөн жүк ташуучу унаалар топтолуп, чек арадан өтө албай турушат. Бул тууралуу Economist.k g басылмасына айдоочулар билдиришти.

Узун чакырымга тизилген кезектин бирден-бир себеби, «Кара-Суу» көзөмөл-өткөрүү пунктунан жүктөрү жок жүк ташуучу унаалардын өтүшүнө тыюу салынып, алар өткөрүү мүмкүнчүлүгү төмөн «Кең-Булуңга» жөнөтүлгөн. Мындан улам жүк ташуучу унаалар трассанын боюнда тизилип, суткалап кезекте турушат.

Бирок жук ташуучу автоунаалардын топтолушунун себеби жалгыз эле бул эмес. Айдоочулар ошондой эле күндүз «Кең-Булуңдан» контрабандалык күйүүчү-майлоочу май ташыган унаалар көп өткөрүлүп жатканын айтышууда.

«Күн сайын Казакстандан аткезчилик жол менен бензин, дизель майын ташыган унаалар өтүп жатат. Кээ бирлери аны ушул жерде эле өткөрүү пунктунун алдында канистрлерде сатышат», – деп билдиришти айдоочулар.

Айдоочулардын айтымында, «Кең-Булуңга» кирген жеңил унаалардын дээрлик бардыгы контрабандалык жүк ташыйт. Негизинен булар «минивэндер» жана «вагондор», анткени алардын отургучтарын чечип, көбүрөөк канистрлерди коюуга болот.

Жүк ташуучу унаалар да аткезчилик жол менен КММ ташыйт, бирок чоң унаалар көп каттабайт, бирок каттаганда бир убакта бир тоннадан ашык күйүүчү май ташып коюшат.

«Жүк ташыган унаалар чиркегичи жок жүрүп, КММди бактарга салып ташышат. Эки бакка 1.2 тоннага чейин дизель майы куюлат», – дешет күбөлөр.

Белгилей кетсек, бүгүнкү күндө Кыргызстанда АИ-92 үлгүсүндөгү бензин 62.9 сом, дизель майы 63.5 сомдон сатылууда. Казакстанда АИ-92 болжол менен 33 сом, дизель майы 42.7 сом турат.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”