Казак президенти Кытайдын «Бир алкак – бир жол» долбоорун ЕАЭБге кошууну сунуштады
Бүгүн, 26-майда Бишкек шаарында өтүп жаткан Евразиялык экономикалык форумга катышкан Казакстандын президенти Касым-Жомарт Токаев Кытайдын «Бир алкак – бир жол» долбоорун ЕАЭБге кошуу сунушун айтты.
Токаев форумда айтылган «Чоң Евразия» чынында эле өтө кылдат изилдөөгө жана талкуулоого татыктуу долбоор экенин жана эртеби-кечпи бул кызыктуу сунушту ишке ашыруу керектигин, анын үстүнө Россиянын президенти башка кызыкдар мамлекеттерди интеграциялык процесске тартуу боюнча рационалдуу көз карашта экенин айтты.
«Мисалы, Кытайдын «Бир жол – бир алкак» долбоору, ошондой эле евразиялык мейкиндиктеги интеграциялык процесстерге кошулууга чындап кызыкдар экенин билдирген башка мамлекеттер тууралуу сөз кылууга болот», – деди ал.
