Бүгүн ишкерлер ККМ жана эсеп-фактурага каршы дагы митингге чыгышат

Бүгүн, 13-июнда саат 10:00дө, Тарых музейинин артында ишкерлер тынчтык митингге чыкмакчы. Алар кассалык аппаратты койдурууну жана эсеп-фактураны жоюп, патентке өткөрүп берүүсүн суранышат. Мындай маалымат ишкерлердин жалпы чаттарында таратылууда.

Ишкерлер дагы бир жолу чогулушуп, кассалык аппараттарды милдеттүү түрдө койдурууну алып салууну, эсеп-фактураларды жоюуну талап кылышат.

«Урматуу группадагы коллегалар эжелер, байкелер! 13-июнь күнү саат күндүзгү 10:00 го Тарых музейдин аркасына тынчтык митингге келиңиздер,митингге чыкканыбыздын себеби – ККМ, СЧЕТ-ФАКТУРАны жоюп, патентке өткөрүп берүүсүн суранабыз жана талап кылабыз”, – деп айтылат билдирүүдө.

«Эгерде бардык фирмалар сатуучуларга товарды счёт-фактура менен бере турган болсо, анда КНС жана сатуудан салык товардын баасына кошулат. Азык-түлүктүн баасы ого бетер кымбаттайт. Мындан жөнөкөй калк гана дагы жапа чегет”, – дейт ишкерлердин бири.

Айта кетсек, 30-майда Өкмөт үйүнүн астына ишкерлер чогулган. Анда да ККМ жана эсеп-фактураларга каршы сатуучулар, дүкөн ээлери пикирлерин билдиришкен.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

4 жылда Кыргыз-Түркмөн ортосундагы соода жүгүртүүнүн көлөмү 1,8 эсеге өскөн

Чынгыз Эсенгул уулу маданият министринин биринчи орун басары болду

Токтогул шаары 5,3 млн сомго таштанды ташуучу унаа сатып алды

20-ноябрда Бишкектин кээ бир аймактарында суу берилбейт

Кыргызстан менен Казакстан салык тармагындагы кызматташтыкты талкуулады