Кыргызстандын эл аралык резервдеринин азайышы уланууда - май айында алар 13 млн долларга кыскарган
Улуттук банк башкарган Кыргызстандын эл аралык резервдери май айында дагы 13 млн долларга (-0.5%) азайып, 2 млрд 587 млн долларды түзгөн. Мындай маалыматтар регулятордун расмий сайтында берилген.
Эл аралык резервдердин азайышы өткөн жылдын сентябрь айынан бери уланып, рекорддук көлөм 3 млрд 241 млн долларды түзүп, бир аз өсүш декабрь жана февраль айларында гана байкалган.
Алсак, 2021-жылдын сентябрынан бери Кыргызстандын эл аралык резервдери 654 млн долларга (-20.2%) азайган.
Белгилей кетсек, эл аралык резервдер биринчи кезекте төлөм балансынын тартыштыгын жана валюта рыногундагы интервенцияларды каржылоого жумшалат.
Economist.kg билдиргендей, быйылкы жылдын башынан 26-майга чейин алмашуу курсунун кескин өзгөрүшүн текшилөө максатында Улуттук банк доллар сатуу боюнча 284.3 млн доллардык беш интервенция (анын ичинен 66.65 млн доллар накталай сатылган) жана доллар сатып алуу боюнча 46.45 млн доллардык эки интервенция өткөргөн. Жыйынтыгында таза сатуу 237.85 млн долларды түзгөн.
