«Кошой» заводу 80 жылдык юбилейине карата 9 тонна кумшекерди бекер таратты
Бүгүн, 15-декабрда, «Кошой» ААК заводу 80 жылдык юбилейине карата Чүй облусунун Шопоков шаарынын жана Сокулук районунун калкынын социалдык жактан аялуу катмарына гуманитардык жардам акциясын өткөрүүдө. Бул тууралуу Монополияга каршы жөнгө салуу органы билдирди.
Акциянын алкагында бир адамга 10 кг кумшекер берилет. Жалпысынан 9 тоннадан ашык таратылат.
Белгилей кетсек, «Кошой» ААК КРдагы кант рыногунда үстөмдүк кылуучу субъекттердин бири болуп саналат.
Бүгүнкү күндө ички рынокто кумшекер жетиштүү. Республикада кант кызылчасынан кумшекер өндүрүү уланууда. «Кошой» ААКтын кумшекерди рынокко чыгарган өзүнүн баасы – 78 сом/кг. Ал эми фирмалык дүкөнүндө чекене баа – 84 сом/кг. Ал эми «Глобус», «Народный» жана «Фрунзе» соода түйүндөрүндө 1 адамга 1 кг өлчөмүндө баасы – 85 сом/кг.
