Кыргызстанда тигүү цехтери үчүн буюртмаларды алуу жана жумушчуларды жалдоого тиркеме иштелип чыкты
Кыргызстандагы тигүү ишканалары үчүн буюртмаларды чогултуу жана кызматкерлерди жумушка алууга TexPro деп аталган жаңы тиркеме иштелип чыкты. Бул тууралуу Эл аралык билим берүү боюнча Америка кеңешинин өкүлчүлүгүнүн билдирүүсүндө айтылат.
TexPro – бул кийим индустриясында буйрутмаларды чогултуу жана кадрларды тандоо үчүн платформа катары иштеген мобилдик тиркеме. Тиркеме жеңил өнөр жайынын бардык катышуучуларын, кийим өнөр жайын, кездеме жана фурнитураларды жеткирүүчүлөрдү, дизайн студияларын, ошондой эле кардарлардын башын бириктирүү үчүн түзүлгөн.
TexPro төмөндөгүлөргө багытталган:
- тигүү ишканаларынын арасында сатуунун деңгээлин жогорулатуу
- рыноктун катышуучуларынын ортосундагы байланышты жакшыртуу
- эл аралык кардарларды тартуу
- тигүү тармагында жумуштуулукту жогорулатуу.
TexPro долбоору АКШ өкмөтү жана Эл аралык билим берүү боюнча Америка кеңеши тарабынан каржыланган Exchange бүтүрүүчүлөрүнүн чакан гранттары программасы тарабынан колдоого алынат жана каржыланат.
TexPro тиркемесинин бет ачары 20-январда онлайн форматта өтөт. Презентацияга катталып, шилтемени алуу үчүн 0555 969 000 номуруна толук аты-жөнүңүздү жөнөтүшүңүз керек.
