Улуттук банк коммерциялык банктардын жетекчилери менен жыйын өткөрдү
Улуттук банктын төрагасынын орун басары Манас Жакыпов кечээ, 17-январда коммерциялык банктардын жетекчилери менен жолугушту. Бул тууралуу башкы банктын маалымат кызматы билдирди.
Жолугушуунун жүрүшүндө өлкөнүн валюта рыногундагы учурдагы абалы, ошондой эле минкабдын 2023-жылдын 13-январындагы токтому менен киргизилген, накталай АКШ долларын КРдан алып чыгууга убактылуу тыюу салууга байланыштуу маселелер талкууланган.
“Улуттук банктын жетекчилиги кардарларды банктык тейлөөнүн сапатын жогорулатуу, калктын керектөөсүн канааттандыруу үчүн накталай чет өлкө валютасын жетиштүү көлөмдө камсыз кылуу жана аралыктан банктык тейлөө системасы аркылуу коммерциялык банктар тарабынан накталай эмес төлөмдөрдү камсыз кылуу зарылдыгына басым жасады”, – деди регулятордун маалымат кызматы.
Зарыл болгон маалыматтарды/консультацияларды ыкчам алуу үчүн жарандар Улуттук банктын коомдук кабылдамасына 0 312 61 04 86 телефону, WhatsApp-каналына 0501 89 00 00 телефон номери, финансылык кызмат көрсөтүүлөрдү керектөөчүлөрдүн укугун коргоо маселелери боюнча 0312 61 45 78 жана 0555 85 57 48, 0770 73 73 49 уюлдук телефон номерлери аркылуу кайрылышса болот.
Кыргызстандан накталай чет өлкө валютасын алып чыгууга убактылуу тыюу салынат
Улуттук банк быйылкы жылы биринчи интервенциясын жүргүзүп, дароо 104 млн доллар сатты
Которулган акчанын комиссиясын жөнөтүүчү адам гана төлөйт — Улуттук банк
