2024-жылдан тартып маяна алган жарандардын баары салык декларациясын тапшырат

Назира Абдиева

31 янв. 2023 00:24

2023-жылдын жыйынтыгы менен 2024-жылы расмий түрдө маяна алган жарандардын баары салык декларациясын тапшырууга милдеттүү болот. Бул тууралуу Экономика жана коммерция министрлигинин Салык саясаты башкармалыгынын башчысы Кубанычбек Ысабеков Sputnik Кыргызстан радиосуна маек куруп жатып билдирди.

Анын айтымында, бирдиктүү салык декларациясы үч этап менен киргизилүүдө.

“Бирдиктүү салык декларациясын тапшыруунун алгачкы этабы жүрүүдө. Бюджеттен каржыланган кызматкерлер, мамлекеттик, муниципалдык мекемелерде иштегендер, доктур, мугалимдер быйыл 1-майга чейин 2022-жылдын жыйынтыгы боюнча салык декларациясын тапшырышы керек. Мындан тышкары, чыгашасы 300 миңден ашкандар жана эл аралык ишканалардын кызматкерлери дагы буларга кошулат. Бул биринчи этабы болуп эсептелет.

Экинчи этабында 2023-жылдын жыйынтыгы менен 2024-жылы расмий түрдө маяна алган жарандардын баары салык декларациясын тапшырууга милдеттүү болот. Ал эми үчүнчү этапта, 2025-жылдын жыйынтыгы боюнча 2026-жылы жумушсуздар, пенсионерлер, студенттер, жалпы жарандар салык декларациясын бериши шарт.

Бул өнөктүк жарандардын кирешесин, катталган мүлкүн аныктаганга шарт түзөт. Мындан тышкары, көмүскөдөгү каражаттарды ачыктаганга жол ачат. Жалпы жарандар бирдиктүү салык декларациясын тапшырса мүлкүн башкага каттатып коюу көйгөйү токтойт”, — деди Ысабеков.

Ошондой эле ал салык декларациясын толук киргизүү буга чейин бир нече ирет жылдырылганын кошумчалады.

Мындан тышкары окуңуз

Бишкек мэриясы 624 автобус сатып алууну пландоодо

"Ачык кабинет: жоопкерчилик аймагы" медиадолбоорунун алкагында Бишкек шаарынын мэри Айбек Жунушалиев жалпыга маалымдоо каражаттарынын өкүлдөрү менен биргеликте борбор калаада сыноодон өтүп жаткан Higer үлгүсүндөгү электробусту текшерип көрдү. “Бүгүнкү күндө биз төрт компаниянын Higer, Geely, Yutong жана Zhongtong өндүрүшүнөн чыккан электробустарды сынап жатабыз. Бизге узундугу 8 жана 8,7

Баткенде бассейни бар 1200 орундуу мектеп салынууда

Баткен шаарынын Чет-Булак кварталында 1200 орундуу жаңы мектептин курулушу расмий башталды. Бул тууралуу президенттин Баткен облусундагы өкүлчүлүгүнөн билдиришти. Иш-чарага облус башчысы Мамыржан Рахимов, Евразиялык турукташтыруу жана өнүктүрүү фондунун өкүлдөрү жана башка расмий коноктор катышты. Маалыматка ылайык, мектеп заманбап окуу кабинеттер, лабораториялар, спорт зал, ашкана жана бассейн менен камсыздалат. Билим берүү

Кыргызстан сунуштаган тарифтик жеңилдик ЕАЭБде колдоо тапты

20-майда видеоконференция форматында өткөн Евразия экономикалык комиссиясынын Кеңешинин кезектеги жыйынында 20 маселе каралып, бир катар чечимдер кабыл алынды. Бул тууралуу Экономика жана коммерция министрлигинен билдиришти. Жыйындын алкагында спорттук тамактанууну милдеттүү маркалоо боюнча товарлардын тизмеси бекитилип, стерилдүү продукцияны өндүрүүгө коюлган талаптар күчөтүлдү. Ошондой эле ЕАЭБге импорттолгон товарларды көзөмөлдөө механизми жана баалуу

Кыргызстан менен Беларусь соода жүгүртүүнү 500 млн долларга жеткирүүнү пландоодо

Жогорку Кеңештин Төрагасы Марлен Маматалиев Санкт-Петербург шаарында өткөн КМШ Парламенттер аралык ассамблеясынын иш-чараларынын алкагында Беларусь Республикасынын Улуттук жыйынынын Республикалык кеңешинин Төрайымы Наталья Кочанова менен жолугушту. Бул тууралуу ЖКнын Басма сөз кызматынан билдиришти. Жолугушууда тараптар парламенттер аралык кызматташтыкты чыңдоо, мыйзам чыгаруу жаатында тажрыйба алмашуу жана эки өлкөнүн ортосундагы соода-экономикалык байланыштарды өнүктүрүү