Казакстан Камбар-Ата ГЭС-1ди курууга мамлекеттик кепилдик бербейт

Казакстан менен Өзбекстан да катыша турган Кыргызстандагы Камбар-Ата ГЭС-1ди курууга кеткен чыгымдар үч өлкөгө тең бөлүштүрүлөт. Ошондой эле чет өлкөдөн да каражат тартылышы мүмкүн, деп билдирет “Казинформ”, Казакстандын Энергетика министрлигинин маалыматына таянып.

«Долбоорду эл аралык долбоордук каржылоо талаптарына ылайык ишке ашыруу пландаштырылууда, анын алкагында керектүү көлөмдө кредиттик каражаттар тартылат. Мындан тышкары, Казакстандын мамлекеттик кепилдиктерди берүүнү көздөбөйт», – деп айтылат Энергетика министрлигинин агенттикке берген расмий жообунда.

Ведомство кошумчалагандай, тараптар өкмөттөр аралык келишимге кол коюу маселеси боюнча иштеп жатышат. Ошондой эле долбоордун баасы жана негизги техникалык чечимдер азырынча аныктала элек. Бул үчүн техникалык-экономикалык негиздеме иштелип чыгат.

«Казак тараптан Энергетика министрлиги жана «Самрук-Энерго» компаниясы долбоорду ишке ашыруу боюнча негизги аткаруучулар катары аныкталды», – деп билдирди РК Экология жана жаратылыш ресурстары министрлиги «Казинформ» агенттигине берген жообунда.

Эске салсак, 6-январда Кыргызстан, Казакстан жана Өзбекстан Камбар-Ата ГЭС-1ди биргелешип куруу боюнча макулдашышкан. Ал Кыргызстандагы ири электр станциясына айланып, Борбор Азия өлкөлөрүн электр энергиясы менен камсыздап, аймакты суу менен камсыздоону турукташтырууга тийиш.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду