Ага Хан фонду KICB банкынын дагы 6% акциясына ээ болду
Ага Хан Экономикалык өнүктүрүү фонду «Кыргыз инвестициялык-кредиттик банкы» ЖАКтын (KICB) дагы 6% акциясына ээ болду. Бул маалыматты Economist.kg басылмасына аталган банктын өкүлдөрү тастыкташты.
Алсак, маалыматка караганда, Ага Хан Фонду банктын 2% акциясын Эл аралык финансы корпорациясынан (IFC), 2% акциясын Германиянын инвестиция жана өнүктүрүү корпорациясынан (DEG) жана 2% акциясын Европа реконструкциялоо жана өнүктүрүү банкынан (ЕРӨБ) сатып алган.
Учурда KICB банкынын акциялары төмөнкүдөй бөлүштүрүлгөн:
- Ага Хан фонду – 66% (115.5 миң даана),
- DEG – 2% (3.5 миң даана),
- ЕРӨБ – 2% (3.5 миң даана),
- IF – 2% (3.5 миң даана),
- «Хабиб банк лимитед» – 18% (31.5 миң даана),
- КР Мамлекеттик мүлктү башкаруу фонду – 10% (17.5 миң даана).
