Банктар же акча алмаштыруу жайлары чектөөлөрдү белгилесе, Улуттук банкка кайрылуу зарыл

Эгерде банктар жана/же алмашуу бюролору чектөөлөрдү белгилесе же болбосо, таблодо белгиленген валюта курстан айырмаланган курс менен чет өлкө валютасын сатса, бул фактыны (видео же фото фиксация) белгилеп, Улуттук банкка кайрылууңуздарды суранабыз. Мындай билдирүүнү Улуттук банк берди.

Регулятор мындай учурда ар бир учур өзүнчө караларын жана мыйзам талаптарын бузуу фактылары аныкталган учурда таасир этүү чаралары колдонуларын айтат.

“Азыркы учурда банктарда жана алмашуу бюролорунда жетиштүү көлөмдө накталай АКШ доллары бар, банктар жана алмашуу бюролору алмашуу операцияларын эч кандай чектөөсүз жүргүзүшөт”, – дейт өлкөнүн башкы банкы.

Улуттук банктын ченемдик укуктук актыларынын талаптарына ылайык, чет өлкө валютасын маалымат тактасында көрсөтүлбөгөн курс боюнча сатууга жана сатып алууга тыюу салынат. Чет өлкө валютасы болгон учурда, валюта рыногунун катышуучулары чет өлкө валютасын чектөөсүз сатууну Улуттук банктын ченемдик укуктук актыларынын талаптарына ылайык жүзөгө ашырууга милдеттүү.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө абаны булгаган айдоочуларга айып пул салынды

Ошто 6 млн сомду мыйзамсыз ыйгарып алуу фактысы аныкталды

Фермерлерге берилип жаткан насыянын калган пайызын мамлекет төлөп жатат

Кыргызстанда инвестициялар 62,9%га өсүп, 422,9 млрд сомго жетти

Сахароводогу убактылуу кармоочу борбордо 189 кыргыз жараны бар