Япониянын Muroo Systems Corporation компаниясы Каракөл ГЭСин өз каражатына курууга кызыкдар

Япониялык Muroo Systems Corporation холдинги Каракөл ГЭСинин курулушуна кызыкдар. Бул тууралуу аталган компаниянын өкүлдөрү жана Улуттук инвестиция агенттигинин жетекчилиги менен болгон жолугушууда белгилүү болду.

Берилген маалыматка таянсак, Muroo Systems Corporation IT- аутсорсинг, дата борборлорун куруу жаатында кызмат көрсөтөт. КРда Computer Power Center ЖЧК катары катталган. Ал дата борборун түзүү үчүн «Кристалл» заводун сатып алып, ошондой эле коргоочу металл торлорду өндүрүү боюнча долбоорду ишке ашырууда.

Мындан тышкары, компания ГЭСтин курулушун өздүк каражатынын жана JBIC (Япония Эл аралык кызматташтык банкы) кредитинин эсебинен каржылоону көздөөдө.

Улуттук агенттиктин директору долбоорду МЖӨ аркылуу ишке ашыруу же министрлер кабинети менен түз инвестициялык келишимге кол коюу мүмкүнчүлүктөрү тууралуу маалымат берди.

Агенттик долбоорду ишке ашыруунун ар бир этабында, анын ичинде JBIC банкы менен сүйлөшүүлөрдү жүргүзүү процессинде көмөк көрсөтүүгө даяр.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 6 млн сомду мыйзамсыз ыйгарып алуу фактысы аныкталды

Фермерлерге берилип жаткан насыянын калган пайызын мамлекет төлөп жатат

Кыргызстанда инвестициялар 62,9%га өсүп, 422,9 млрд сомго жетти

Сахароводогу убактылуу кармоочу борбордо 189 кыргыз жараны бар

Кыргызстанда курьер-аялдарды колдоо программасы иштей баштады