Кыргызстан тажик авиакомпаниясына аба мейкиндигин ачты

Кыргызстан Тажикстандын “Сомон Эйр” авиакомпаниясына Дүйшөмбүдөн Үрүмчүгө жана Новосибирскке жүргүнчү каттамдары үчүн аба мейкиндигин ачты. Бул тууралуу Жарандык авиация агенттигинин маалымат кызматы билдирди.

Мекеменин маалыматына караганда, “Сомон Эйр” 2023-жылдын 8-февралынан 21-мартына чейинки аралыкта Душанбе – Үрүмчү – Душанбе, ошондой эле 5-февралда Душанбе – Новосибирск – Душанбе авиакаттамдары үчүн Кыргызстандан аба мейкиндигин берүүнү суранган.

Маалыматка таянсак, «Сомон Эйр» авиакомпаниясынын каттамдарын Боинг 737-800 жана Боинг 737-900 учактары аткарышат.

Белгилей кетсек, Кыргызстан 2021-жылдын май айында чек арадагы куралдуу кагылышуу болуп, анын кесепетинен 36 кыргызстандык каза болуп, анын ичинен эки жаш бала, 154 адам жаракат алгандан кийин тажик авиакомпаниялары үчүн аба мейкиндигин жапкан. Ошол кезден тартып Кыргызстан Тажикстандын жарандарына өлкө аймагына кирүү жана чыгуу, жүрүү жана транзиттик өтүүсүнө убактылуу чектөө киргизген.

Ал эми 2022-жылдын 14-17-сентябрь күндөрү Кыргызстан менен Тажикстандын чек арасында аскердик кагылышуу учурунда Кыргызстандын 59 жараны каза болгон.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ошто 6 млн сомду мыйзамсыз ыйгарып алуу фактысы аныкталды

Фермерлерге берилип жаткан насыянын калган пайызын мамлекет төлөп жатат

Кыргызстанда инвестициялар 62,9%га өсүп, 422,9 млрд сомго жетти

Сахароводогу убактылуу кармоочу борбордо 189 кыргыз жараны бар

Кыргызстанда курьер-аялдарды колдоо программасы иштей баштады