Кыргызстан Россиядагы онлайн-дүкөндөргө товар жөнөткөн алдыңкы беш өлкөнүн катарына кирди
2022-жылдын аягында Кыргызстан биринчи жолу россиялык интернет-дүкөндөргө товарларды жөнөткөн алдыңкы беш өлкөнүн катарына кирди. Бул тууралуу “Коммерсантъ” басылмасы жазып чыкты.
Маркетплейске товарларды жеткирген биринчи беш өлкөнүн катарына Кыргызстан менен бирге Беларусь да кирди. Россиялык интернет сайттарда иштеген сатуучулар өткөн жылы бул эки өлкөдөн товарларды көп сатып ала башташканын “Коммерсантъ” «Точка» финтех-компаниясына шелтеме берүү менен билдирди.
Россияда сатылган онлайн продукциянын 11%ы Кыргызстанга туура келген. 2021-жылы республикадан 5%, 2020-жылы 2% импорттолгон.
Рыноктун катышуучуларынын пикири боюнча, Кыргызстан менен Беларусь РФга параллелдүү импорт жана логистика жагынан ыңгайлуу, себеби Украинада согуштун башталышы менен бул тармакта башка өлкөлөр менен логистика татаалдашып кетен.
Ошондой эле жаңы камсыздоо каналдарын ачуунун аркасында ири интернет сайттар бир жылдын ичинде сатуучулардын санын эки эседен ашык көбөйтүүгө жетишишкен.
