ӨКМ Испаниянын Airbus-C295 учагын кредитке сатып алууну ниеттенүүдө

22-февралда Кыргыз Республикасынын Өзгөчө кырдаалдар министри Бообек Ажикеев Испаниянын Кыргызстандагы Атайын жана Ыйгарым укуктуу элчиси Хорхе Урбиола Лопес де Монтенегрону кабыл алды. Бул тууралуу министрликтин маалымат кызматы билдирди.

Жолугушууда министр Бообек Ажикеев өзгөчө кырдаал болгон аймактарга куткаруучуларды жана куткарууга тиешелүү шаймандарды ыкчам жеткирүү, өзгөчө авиациялык издеп-куткаруу иштеринде колдонуу үчүн Испаниянын Airbus Defence and Space компаниясы тарабынан чыгарылган Airbus-C295 учагын сатып алууга кызыкдар экендигин билдирген.

Өз кезегинде элчи Кыргызстанда колдонууга ылайыктуу Airbus-C295 учагынын техникалык мүнөздөмөлөрүнө токтоло кетти.

“Учактын кымбаттыгын эске алынып, аны алуунун мүмкүн болгон жолдору талкууланды. Анда сунушталган каржылоо механизмдеринин бири катары жеңилдетилген кредиттөө аркылуу алуу маселеси каралды. Элчинин бул долбоорду Азия өнүктүрүү банкынын Кыргызстандагы Туруктуу өкүлчүлүгү тарабынан каржылоо мүмкүнчүлүгүн кароого даярдыгы жөнүндө сунушун эске алып, бул маселе боюнча келечектеги жолугушууларды банктын өкүлдөрү менен биргеликте үч тараптуу форматта өткөрүү жөнүндө макулдашууга жетишилди”, – деп айтылат маалыматта.

Жолугушуунун соңунда тараптар Airbus-C295 учагын алуу боюнча мындан аркы сүйлөшүүлөрдү жүргүзүүгө жалпы каалоолорун ырасташты

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Күч түзүмдөрүнүн кызматкерлерине дагы 1 786 батир берилет

Бишкекте мыйзамсыз такси кызматтарына каршы рейд өттү

2050-жылга карата Борбор Азиянын мөңгүлөрү 60–80 пайызга чейин кыскарышы мүмкүн

Нарында сел коркунучун алдын алууга 11 млн сом жумшалды

Бул күндөрү Бишкек акыр-чикирден тазаланмакчы