Тюмендин туристтик ишканаларына «Кыргызстан – туризмдин өлкөсү» презентациясы өткөрүлдү
2023-жылдын 27-февралында Тюмень шаардык администрациясынын көмөгү менен Екатеринбург шаарындагы Башкы консулдугу аймактагы бизнес-түзүмдөрдүн өкүлдөрү менен жолугушуу өткөрдү. Бул тууралуу Тышкы иштер министрлиги билдирди.
Маалыматка ылайык, Башкы консулдуктун кызматкерлери Тюмень облусундагы туристтик компаниялардын өкүлдөрү менен жолугушуу өткөрүп, анын жүрүшүндө «Кыргызстан – туризмдин өлкөсү» деген темада презентация өткөрдү. Жолугушуунун катышуучуларына жарнамалык буклеттер жана өлкөбүздүн туристтик жерлери боюнча колдонмолор таратылды
Берилген маалыматтар жолугушуунун катышуучуларынын кызыгуусун жаратты. Тюмендик бизнес-чөйрөлөр ишкердик кызматташуу боюнча өз сунуштарын айтышты.
Жолугушуулардын жыйынтыгында жогоруда аталган багыттар боюнча кыргызстандык жана тюмендик ишкерлер менен туристтик компаниялардын ортосунда кызматташууну түзүү макулдашылды.
