Туризм жаатында ишкерлер үчүн бизнес-акселератор башталат
Кыргызстандагы Accelerate Prosperity туризм жаатында ишкерлер үчүн акселерацияны баштап жатат. Бул тууралуу USAID билдирди.
Маалымат боюнча, акселератор Кыргызстан боюнча туристтик уюмдарга ачык. Төмөнкү багыттар боюнча ишкерлер катыша алышат:
- укмуштуу туризм (приключенческий);
- уникалдуу туристтик продуктылары бар ХОРЕКА;
- калыбына келтирүү жана ден соолук менен байланышкан туризм;
- инновациялык ыкмаларды колдонгон башка туристтик компаниялар.
Негизги критерийлер:
- жумуш тажрыйбасы – 1 жылдан кем эмес;
- жылдык кирешеси 350 миң сомдон кем эмес;
- командада кеминде 2 адам бар.
Арыз берүүнүн акыркы мөөнөтү 2023-жылдын 27-мартында аяктайт. Программанын жеңүүчүлөрү $50 миң долларга чейин инвестиция ала алышат Катышуу үчүн шилтеме аркылуу катталса болот.
Акселерация USAID жана Ага Хан Фондунун (AKF) «Жергиликтүү өзгөрүү» долбоорунун алкагында жүргүзүлүүдө.
