Нарын шаарынын ички көчөлөрү оңдолот
Нарын шаарында 18.5 чакырым ички көчөлөрдү оңдоо пландалып, ага 133 миллион сом керектелет. Бул тууралуу президенти Садыр Жапаров Нарын облусунун активи менен аймакты өнүктүрүүнүн актуалдуу маселелери боюнча жумушчу кеңешмесинде маалымат болду.
Транспорт жана коммуникациялар министри Тилек Текебаев Нарын шаарынын ички көчөлөрүн жана Нарын-Баетов унаа жолун оңдоо долбоорлорун тааныштырды.
Такталгандай, Нарын шаарында 18,5 чакырым ички көчөлөрдү оңдоо пландалып, ага 133 млн сом керектелет. Негизги Ленин көчөсүнө жүктү азайтуу үчүн Орозбак уулу көчөсүнүн айланма жолго чыгуучу 1.28 км узундуктагы уландысын куруу пландалууда. Ошондой эле, Ленин көчөсүн толук реконструкциялоо, аллеяларды жана 9.5 км узундуктагы ирригациялык системаларды куруу планда каралган.
Министр IV категориядагы мамлекеттик маанидеги Нарын-Баетов унаа жолунун жалпы узундугу 120 чакырымды түзөрүн билдирди. 2023-жылы трассанын 36 чакырымына асфальт төшөө пландалууда. Сметалык баасы 612 млн сомду түзөт.
2-этапта 2024-2025-жылдары трассанын калган 84 чакырымына асфальт төшөө пландалууда. Долбоорлорду каржылоо республикалык бюджеттин эсебинен ишке ашырылат.
