Жалал-Абаддык ишкерлер инвестиция үчүн долбоорлорун сунушташты
Accelerate Prosperity долбоорунун алкагында Жалал-Абад облустун тандалып алынган ишкерлери үчүн акселерациялык программаны аяктады. Бул тууралуу долбоордун маалымат кызматы билдирди.
Программанын бүтүрүү иш-чарасы демонстрация күнү болду, анда окуу курсун ийгиликтүү аяктаган катышуучулар, 16 ишкерлер, өз компанияларын инвестициялык консультативдик комитетке тааныштырышты жана инвестицияларды масштабдоо үчүн иштелип чыккан стратегияларды сунушташты.
Питчингдин жыйынтыгы боюнча Аccelerate Prosperity ASIA долбоордун алкагында $50 миң чейинки долбоорлорду өнүктүрүүгө инвестиция алуу максатында андан ары комплекстүү баалоо (DD – due diligence) үчүн төмөнкү долбоорлор тандалып алынды: ЖИ “Окенов К.А.”, ЖИ “Тилек Осмонов” и ЖЧК “Нур-Береке Арал”.
Due diligence-тен өткөндөн кийин, компаниялар инвестиция алышат. Ошондой эле, акселерациянын катышуучулары бүтүрүүчүлөрдүн клубуна жана уюмдун андан аркы иш-чараларына мүмкүнчүлүк алышат.
Маалымат үчүн:
Бизнес-акселератор Accelerate Prosperity ASIA долбоорунун алкагында ишке ашырылып Европа Биримдиги жана Ага Хан Фонду тарабынан каржыланат. Долбоор ишкерликти өнүктүрүүгө жана Кыргыз Республикасынын айыл жергесиндеги калктын экономикалык жыргалчылыктын жогорулатууга багытталган.
