ЖК кафелер жана ресторандар үчүн бирдиктүү салыктын ставкаларын бекитти
Жогорку Кеңештин депутаттары 16-мартта Салык кодексине өзгөртүү киргизүүнү кароодо коомдук тамактануучу жайларга бирдиктүү салыктын ставкаларын бекитти.
Депутат Дастан Бекешевдин айтымында, кафе-ресторандар үчүн бирдиктүү салыктын ставкалары төмөнкүдөй белгиленүүдө:
- Бишкек жана Ош шаарларында накталай төлөмдөр үчүн 5%, накталай эмес төлөмдөр үчүн 3% болот;
- региондордо накталай төлөмдөр үчүн 4% жана накталай эмес төлөмдөр үчүн 2% өлчөмүндө тарифтер белгиленген.
Парламент кабыл алган өзгөртүүлөрдү президент бекитиши керек.
