Улуу Британияга Бишкекте виза борборун ачууну сунушталууда
2023-жылдын 13-мартынан 16-мартына чейин Улуу Британияга болгон жумушчу сапарынын жыйынтыгы боюнча Эмгек жана социалдык иштер министрлиги Бишкекте Улуу Британияга виза берүү борборун ачуу боюнча сүйлөшүүлөр жүрүп жатканын билдирди. Бул тууралуу мекеменин басма сөз кызматы билдирди.
Кыргыз делегациясынын өкүлдөрү бөлүнгөн эмгек квоталарын көбөйтүү зарылдыгын айтышып, ошондой эле Улуу Британияга Кыргызстандын жарандары үчүн британ визасын алууну жеңилдетүү үчүн Бишкекте өлкөнүн виза борборун ачуу маселесин карап көрүүнү сунушташты.
Жолугушуунун алкагында Кыргызстандан жумушчуларды кабыл алуу, алардын сааттык эмгек акысынын шарттары жана чарбалардагы иштөө шарттары талкууланды. Британиянын иш менен камсыз кылуу агенттиктеринин өкүлдөрү Улуу Британияда жумушчу күчүнүн жетишсиздигин, ошондой эле КР жарандарынын эмгекке болгон абийирдүү мамилесин белгилеп, Кыргызстанга квоталарды көбөйтүү пландары тууралуу маалымат беришти.
