Жайында Бишкек – Абу-Даби аба каттамы ачылат
«Манас эл аралык аэропорту» Wizz Air Abu Dhabi авиакомпаниясы менен Абу-Даби – Бишкек – Абу-Даби жаңы каттамын ачканы турат. Бул тууралуу Швейцариянын элчилиги билдирди.
Маалыматка ылайык, долбоорду Швейцариянын колдоосу алдында IFC «Манас эл аралык аэропорту» ААКнын потенциалын жана эл аралык каттамдардын географиясын кеңейтүү үчүн анын салыштырмалуу артыкчылыктарына толук талдоо жасап чыгууга жардам берди.
Ошондой эле жакынкы келечекте Абу-Даби – Ош багыты боюнча рейс ачуу пландалууда.
IFC ошондой эле “Манас” эл аралык аэропортунун инфраструктурасына инвестиция салуу үчүн квалификациялуу жеке операторду тартуу боюнча мамлекеттик-жеке өнөктөштүктүн алкагында ачык конкурс өткөрүү багытында да КР өкмөтүнө колдоо көрсөтүүдө.
