700 ашык кыргызстандыктар Японияда иштөө үчүн окуудан өтүштү
700дөн ашык кыргызстандыктар Японияда иштөө үчүн окуудан өтүштү. Бул тууралуу Эмгек, социалдык коргоо жана миграция министри Кудайберген Базарбаев бүгүн Япониянын Кыргызстандагы элчиси Года Хидеки мырза менен жолугушууда билдирди.
Анын айтымында, министрлик эл аралык эмгек рыногун диверсификациялоого багытталган чараларды көрүп жатат. Ведомство аркылуу жарандар Түштүк Кореяга, Улуу Британияга, Перс булуңундагы өлкөлөргө барып иштей алышат.
«Учурда Кыргызстандын 700дөн ашык жараны Японияда иштөө үчүн окуудан өтүштү, биз сиздер менен Японияда жарандарыбыздын ишке орношуусуна шарт түзүүгө салым кошууну көздөп жатабыз. Бүткүл дүйнөлүк азык-түлүк программасынын «Эмгектин ордуна азык-түлүк» долбоорун да колдооңузга үмүттөнөбүз», – деп билдирди Базарбаев.
