2022-жылы айыл чарбанын экспорту $451.3 млн түздү
2022-жылдын жыйынтыгы менен, айыл чарбасынын, тамак-аш жана кайра иштетүү өнөр жайынын тышкы соода жүгүртүүсү 2022-жылдын январь-декабрь айларында 2021-жылдын ушул мезгилине салыштырганда 29,4 % көбөйдү жана 131 млрд сом же $1.5 млрд түздү. Бул тууралуу Айыл чарба министрлиги эскертти.
2022-жылдын январь-декабрында 38 млрд сомдук же $451.3 млн айыл чарба, тамак-аш жана кайра иштетүү өнөр жайынын продукциясы экспорттолду, анын ичинде:
- мал чарба продукциясы 8 млрд сомго же $95.4 млн экспорттолду, бул өткөн жылга салыштырмалуу сомдо 69.2%га көбөйдү.
- өсүмдүк чарба продукциясын экспорттоодо 2021-жылдын көрсөткүчүнө салыштырганда улуттук валютада 35.4%га өсүү байкалып, 13.6 млрд сомду түздү. АКШ долларында экспорт 35.7%га өсүп, $162 млн түздү.
- тамак-аш жана кайра иштетүү өнөр жайынын продукциясы 2021-жылдын көрсөткүчүнө салыштырмалуу улуттук валютада 7.1% га өсүү менен 163 млрд сомду түздү. АКШ долларында экспорт 7.7%га өсүп, $193.7 млн түздү.
