Банктар

Эми акча алмаштырууда сөзсүз өздүгүн тастыктаган документ талап кылынат

Ишкер Media

13 окт 2026 15:28

Кыргызстанда акча алмаштыруучу жайларда кардарлар алмаштырган акчасынын суммасына карабастан өздүгүн тастыктаган документ көрсөтүүгө тийиш. Тиешелүү өзгөртүүлөр Улуттук банк Башкармасынын 2026-жылдын 1-октябрында кабыл алынган токтомунда каралган.

Жаңы талапка ылайык, акча алмаштыруу операциясын жүргүзүүдө кардардын же анын ишенимдүү адамынын өздүгү милдеттүү түрдө аныкталат.

Токтомго ылайык, кардар өздүгүн тастыктоо үчүн паспортун, мамлекеттик санариптик системалар аркылуу берилген санариптик ID-картасын же жеке идентификациялык номери (ПИН) көрсөтүлгөн улуттук үлгүдөгү айдоочулук күбөлүгүн пайдалана алат.

Мындан тышкары, акча алмаштыруучу жайлардын кызматкерлери кардардын санкциялык тизмелерде бар же жок экенин текшерүүгө милдеттүү болушат.

1 млн сомдон ашкан операцияларга карата талаптар

Эгер кардар бир жолку же өз ара байланышкан бир нече операция аркылуу 1 млн сомго барабар же андан ашкан сумманы алмаштырса, кошумча текшерүүдөн өтүшү шартталат.

Мындай учурда акча алмаштыруучу жай кардарды талаптагыдай текшерүүгө, анын ичинде бенефициардык ээсин аныктоого жана санкциялык тизмелер боюнча текшерүүгө милдеттүү.

Өзгөртүүлөр кылмыштуу кирешелерди адалдоого жана кылмыштуу ишмердүүлүктү каржылоого каршы аракеттенүү максатында киргизилди.

Аталган токтом 2026-жылдын 15-октябрынан баштап, иштей баштайт.

Мындан тышкары окуңуз

Кыргыз мамлекеттик циркине Казакстандын жараны директор болуп дайындалды

А. Изибаев атындагы Кыргыз мамлекеттик циркинин директору болуп Казакстандын жараны Нурлан Конокбаев дайындалды. Бул тууралуу бүгүн президент Садыр Жапаров жаңы жетекчини кабыл алган учурда белгилүү болду. Президенттин басма сөз кызматынын маалыматына ылайык, циркке сырттан жетекчи дайындоого мекемедеги узакка созулган ички пикир келишпестиктер себеп болгон. Мамлекет башчысы 2023-жылы Мамлекеттик циркке

"Нарын" бажысы 1 млн сомдон ашык мыйзамсыз жүгүртүүнү аныктады

"Нарын" бажысынын кызматкерлери чийки затты мыйзамсыз жүгүртүүгө чыгаруу фактысын аныктады. Бул тууралуу Мамлекеттик бажы кызматы билдирди. Маалыматка караганда, "Нарын" эркин экономикалык зонасындагы "К.-К.-Ө." ЖЧКсы текшерилген. Ишкана мурда 560 миң кг чийки затты "Эркин бажы зонасы" жол-жобосуна жайгаштырган. Текшерүүдө 141

Касымалиев Дүйнөлүк бажы уюмунун башчысы менен жолукту

Бүгүн Министрлер кабинетинин төрагасы Адылбек Касымалиев Дүйнөлүк бажы уюмунун Башкы катчысы Ян Сондерс менен жолугушту. Бул тууралуу мекеменин басма сөз кызмат кабарлады. Маалым болгондой, тараптар бажылык жөнгө салуунун эл аралык стандарттарын киргизүү, процесстерди санариптештирүү, чек ара инфраструктурасын модернизациялоо жана кадрларды даярдоо маселелерин талкуулашты. Касымалиев Кыргызстан уюмга 2000-жылдын 10-февралынан

Кепилдик фонд аркылуу аймактагы ишкерлер 6,6 млрд сом кредит алышты

2026-жылдын январь–сентябрь айларында “Кепилдик фонд” ААКсы ишкерлерге жалпы суммасы 3,8 млрд сомду түзгөн 1 523 кепилдик берип, 12,8 млрд сом кредиттик каражат тартууга көмөктөштү. Бул тууралуу фонддун маалыматында айтылат. Билдирүүгө караганда, берилген кепилдиктердин 76%ы же 1 156сы Кыргызстандын аймактарындагы ишкерлерге туура келген. Ал эми аймактарга