Екатеринбургдан Бишкекке поезд каттамы, Ысык-Көлгө аба каттамы ачылышы мүмкүн

Кыргызстан менен Россиянын Свердлов облусу түз темир жол каттамын жаңыртуу, ошондой эле Екатеринбург менен Кыргызстан шаарларынын ортосундагы аба каттамдарын көбөйтүү мүмкүнчүлүгүн талкуулашууда. Бул тууралуу Свердлов районунун Эл аралык жана тышкы экономикалык байланыштар министрлиги билдирди.

Маалым болгондой, аба жана темир жол байланышы боюнча маселени Кыргызстандын маданият, маалымат, спорт жана жаштар саясаты министринин орун басары Самат Шатманов жана Свердлов облусунун туризмди жана меймандостук өнөр жайын өнүктүрүү департаментинин директору Эльмира Туканова жолугушуу учурунда талкуулашты.

Сүйлөшүү учурунда Екатеринбург — Бишкек багыты боюнча поездди ишке киргизүү, Екатеринбург менен Кыргызстандын ортосундагы аба каттамдардын санын көбөйтүү, анын ичинде Ысык-Көлгө чартердик каттамдарды ачуу маселелери талкууланды.

Белгилей кетсек, азыр Бишкектен Екатеринбургга темир жол аркылуу Бишкектен Казаньга түз каттоочу вагон менен жетүүгө болот. Ал Бишкектен дүйшөмбү күндөрү саат 17:00дө чыгып, Алматы — Казань поездинин курамында жумасына бир жолу каттайт.

Ошондой эле «Манас» жана «Ош» аэропортторунан Екатеринбургга түз каттамдар бар.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды