Бишкекке Twitter, Marvell, Mozilla жана Google компанияларынын алдыңкы эксперт айымдары келет

21-апрелде Бишкекте «Кремний өрөөнүнүн STEMдеги аялдары: Ийгиликтин ачкычы» деген темада иш-чара өтөт. Анда TechWomen программасынын бүтүрүүчүлөрү өздөрүнүн тажрыйбасы жана жетишкендиктери менен бөлүшүшөт. Бул тууралуу Accelerate Prosperity билдирди.

Технологиялык адистер үчүн спикерлердин арасында инжинирингден Silicon Valley Business Journal басылмасынын тандоосу боюнча «Беделдүү айым» статусуна кантип жетсе болот экендиги жөнүндө Marvell Technology компаниясынын кызматкери Кора Лэм айтып берет. Кора дүйнө жүзү боюнча Marvell маалыматтарын иштеткен бардык борборлордо 140 миңден ашуун санариптик платформалар менен эсептөө чарбаларын башкарат. Кэти Гиори, Силикон өрөөнүнүн EdTech жана IoT ишкери. Кэти Сан-Францискодогу технологиялык компанияларда 30 жылдан ашуун эмгек тажрыйбасы бар жана продукт инженериясында жана Tricycle Corp., ZEDEDA, Mozilla, Arduino, Qualcomm, Etak/Sony, SRI компанияларында көптөгөн жогорку кызматтарды ээлеген. Джейми Фаррелл-Ранкер — Сан-Францискодо жайгашкан технологиялык продукт менеджери, ал Twitter-де тогуз жылдан ашык убакыттан бери ишеним жана коопсуздукка багытталган глобалдык жарнамалык өнүмдөрдү жана кызматтарды жаратып келген. Мэг Гордон үйрөнүү тажрыйбасын изилдөөчү жана дизайнер. Ал Adobe, Pearson, Google жана Chegg сыяктуу компанияларда окуучулардын муктаждыктарын жана формалдуу жана формалдуу эмес онлайн-окутууну кантип оптималдаштырууну изилдеген.

Ошондой эле иш-чарада 50 миң долларлык инвестиция тартуу мүмкүнчүлүгүн берген стартаптарды тез өнүктүрүү боюнча Accelerate Prosperity программасы көрсөтүлөт.

Кошумчалай кетсек, TechWomen – бул Борбордук Азиядагы, Жакынкы Чыгыштагы жана Африкадагы STEM тармагында иштеген аялдардын мүмкүнчүлүктөрүн кеңейтүү программасы. Долбоор АКШнын мамлекеттик департаментинин Билим берүү жана маданият иштери боюнча бюросунун демилгеси менен ишке ашырылат.

Катышуу үчүн бул жерден катталуу керек.


STEM (science, technology, engineering and mathematics) — табигый илимдер, технология, инженерия жана математика. Бул академиялык дисциплиналарды бириктирген кеңири колдонулган термин.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды