Минкаб курулуш компанияларынын «кара тизмесин» түзөт – Бакыт Төрөбаев
Министрлер кабинети Кыргызстандагы курулуш компанияларынын кара тизмесин түзөт. Бул тууралуу Жогорку Кеңештин жыйынында минкаб төрагасынын орун басары Бакыт Төрөбаев билдирди, деп маалымдайт Kaktus.media басылмасы.
Анын айтымында, бийлик ишенимдүү курулуш компанияларынын реестрин даярдайт. Ага үлүштүк ээлерден түшкөн эч кандай арыздар жок жана кылмыш иштери козголбогон компаниялар кирет.
«Бул реестрге кирбеген компаниялар, демек, «кара тизмеге» кирет», — деди министрдин орун басары.
Ал кошумчалагандай, минкаб ошондой эле турак жайларды «котловандан» сатуу тартиби жөнүндө жобону даярдап, бекитет.
