Россияга балык экспорту жабылды, Кытай менен БАЭ рынокторуна чыгуу керек - Балык чарба ассоциациясынын жетекчиси

Кыргызстандын балык өстүрүү тармагы Россияга жеткирүү тыюу салынгандан кийин жаңы рынокторду издөөгө тийиш. Кытайга жана Бириккен Араб Эмираттарына (БАЭ) жөнөтүүнүн келечеги бар болушу мүмкүн. Бул тууралуу Economist.kg басылмасына КР Балык чарба ассоциациясынын аткаруучу директору Олег Досаев айтты.

Анын айтымында коңшу Өзбекстан, Тажикстан жана Түркмөнстандын рыноктору өтө чектелген багытынан улам бизге ылайыктуу эмес. Ал эми Казакстан бул жаатта өзүн өзү камсыз кылат.

«Бир гана Кытай жана БАЭ калды. Калган башка бардык рыноктордо биз атаандаштыкка туруштук бере албайбыз. Бирок, башка рынокторго чыгуу абдан кыйын болот. Мисалы, Кытай бардык өлкөлөргө бүт нерселерди экспорттойт, бирок Кытайдын рыногуна башка бирөөнүн кириши абдан кыйын. Айрыкча тамак-аш азыктарына абдан чоң талаптар коюлат”, — деп жыйынтыктады Олег Досаев.

Эске салсак, ушул жылдын январь айында Россельхознадзор форель балыгын өстүргөн тогуз кыргызстандык компанияны текшерүү демилгесин көтөргөн. Ал эми 16-февралда көзөмөл органы форель балыгын жана анын икрасын Россияга жеткирүү үчүн сертификациялоого чектөө киргизерин айткан.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды