Кыргызстанда электр энергиясынын баасы 1 сом болот
Кыргызстанда 1-майдан тартып өлкөнүн калкы үчүн электр энергиясынын баасы 23 тыйынга жогорулап, 1 сомду түзөт. Тиешелүү токтомго минкаб башчысы Акылбек Жапаров кол койду. Бул тууралуу өкмөттүн маалымат кызматы билдирди.
Аталган документке ылайык электр энергиясын 700 кВт.с жогору пайдаланган учурда тариф мурдагы деңгээлде сакталат – 2.16 сом/кВт.с.
Муктаж болгон үй-бүлөлөр жана жарандар үчүн тариф мурдагы деңгээлде сакталып, 1 кВт.с үчүн 50 тыйынды түзөт. Электр энергиясын лимитсиз жана кубаттуулукту чектөөсүз пайдаланууну каалаган калк үчүн тариф 5.04 сом/кВт.с ордуна 3.28 сом/кВт.с чейин төмөндөтүлдү.
КМШ өлкөлөрүнүн жана дүйнөдөгү көптөгөн өлкөлөрдүн ичинен калк үчүн эң арзан электр энергиясы – Кыргызстанда экени белгиленип айтылган.
Тарифтик саясатка киргизилип жаткан өзгөрүүлөр Советтер Союзунан бери алмаштырыла элек энергетикалык жабдууларды жаңылоого мүмкүндүк берет. Иштеп жаткан жылуулук жана гидроэлектростанцияларды реконструкциялоого жана модернизациялоого карабастан, учурда энергетика жабдууларынын 80%дан көбү эскирген абалда калууда.
Электр энергиясын керектөөчүлөр үчүн өзгөртүүлөр киргизилгенге чейинки жана андан кийинки тарифтин көрсөткүчү келтирилген.
| Керектөөчүлөр | 1 кВт.с үчүн болгон | 01.05.2023-ж. тартып 1 кВт.с үчүнболот | Жогорулоо/Төмөндөө |
| Калк | 0,77 сом лимит – 700 кВт.с | 1,0 сомлимит – 700 кВт.с | + 0,23 сом |
| лимиттен жогору 2,16 сом | |||
| Бийик тоолуу аймактар | 0,77 сом лимитсиз | 1,0 сом лимитсиз | + 0,23 сом |
| Аз камсыз болгон үй-бүлөлөр (Эмгексоцминдин тизмеси боюнча) | 0,50 сом лимит – 700 кВтч | 0,50 сом лимит – 700 кВтч | 0,0 сом |
| лимиттен жогору 2,16 сом | |||
| Калк үчүн чектөөсүз тариф | 5,04 сом | 3,28 сом | — 1,76 сом |
| Бюджеттик керектөөчүлөр | 3,40 сом | 3,40 сом | 0,0 сом |
| Айыл чарба, өнөр жай жана башка керектөөчүлөр | 2,52 сом | 2,87 сом | + 0,35 сом |
| Насостук станциялар | 1,095 сом | 1,247 сом | + 0,15 сом |
| Социалдык, диний уюмдар жана жүргүнчүлөрдү ташуучу электр транспорту | 1,68 сом | 1,91 сом | + 0,23 сом |
| Цемент заводдору | 3,28 сом | 3,28 сом | 0,0 сом |
| Майнинг субъекттери, алтын ылгоочу фабрикалар, куюучу, эритүүчү цехтер, алкоголдук продукцияны өндүрүү боюнча ишканалар | 5,04 сом | 5,04 сом | 0,0 сом |
Керектөөчүлөрдүн жаңы категориясы | |||
| 23 кВт чейин белгиленген кубаттуулуктагы электр мобилдери үчүн кубаттоо станциялары (жай кубаттоо) | – | 2,87 сом | |
| Электр мобилдери үчүн кубаттоо станциялары (кубаттуулукту чектөөсүз) | – | 4,42 сом |
