Бишкек шаарындагы Кыргыз көчөсү оңдоп-түзөөдөн өткөрүлөт

Бишкек шаарындагы Кыргыз көчөсү оңдоп-түзөөдөн өткөрүлөт

Бишкек шаарынын мэри Айбек Жунушалиев көчмө жыйындын алкагында Саадаев көчөсүнөн Түндүк айланма жолуна чейинки тилкедеги Кыргыз көчөсүн оңдоп-түзөөбоюнча даярдык иштери менен таанышты.

Бишкек шаардык мэриясынын басма сөз кызматынын маалыматына таянсак, долбоорго ылайык, узундугу 4,1 чакырымды түзгөн жол тилкеси оңдолуп, өтүүчү бөлүгү төрт тилкеге чейин кеңейтилет. Жолдун туурасы 16 метрди түзөт. Ошондой эле эки тарабына тротуар куруу, ирригациялык тутумду орнотуу жана иштеп жаткан көпүрөнү кеңейтүү каралган.

Объектти кароо учурунда калаа башчысы подряддык уюмга курулуш-монтаждоо иштерин сапаттуу жана ыкчам аткарууну, ошондой эле долбоорду ишке ашыруунун бекитилген мөөнөттөрүн так сактоону тапшырды.

Айбек Жунушалиев акимдерге жана профилдик кызматтарга жолду оңдоо аймагына туш келген объекттердин ээлерине өз убагында түшүндүрүү иштерин жүргүзүүнү жана билдирүүлөрдү тапшырууну милдеттендирди.

Мындан сырткары, көчмө жыйындын алкагында Бишкек мэри Можайский көчөсүнүн Орозбеков көчөсүнөн Тоголок Молдо көчөсүнө чейинки тилкесинин оңдоп-түзөөдөн кийинки абалы менен таанышты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Токмокто темир жол куруу үчүн инженердик изилдөөлөр жүргүзүлдү

Оштун калктуу конуштарын суу менен камсыздоо боюнча мыйзам долбоору колдоо тапты

Бишкекте 13 жер тилкесинин ээлерине 40,7 млн сом компенсация берилди

Өзгөчө кырдаалдар учурунда медиа-штаб түзүү сунушталууда

Сузактагы кыш завод абаны булгаганы үчүн айыпка жыгылды