«Кытай — Борбордук Азия» экономика жана соода министрлеринин биринчи жолугушуусу өттү
Кытайдын жана Борбордук Азиянын мамлекеттеринин экономика жана соода министрлеринин биринчи жолугушуусу өттү. Бул тууралуу Экономика министрлиги билдирди.
Такталгандай, жыйынга КР экономика жана коммерция министри Данияр Амангелдиев, КЭР коммерция министри Ван Вэнтао, Казакстандын премьер-министринин орун басары – соода жана интеграция министри Серик Жумангарин, Тажикстандын экономикалык өнүгүү жана соода министри Завка Завкизода, Түркмөнстандын соода жана тышкы экономикалык байланыштар министри Бегенч Гочмоллаев жана Өзбекстандын инвестициялары, өнөр жай жана соодасы Лазиз Кудратов катышты.
Экономика жана соода министрлеринин жолугушуусунун жыйынтыгында тараптар соода-экономикалык кызматташтыкты өнүктүрүүнүн негизги жолдорун белгилешти жана «Кытай-Борбор Азия» форматындагы соода-экономикалык кызматташтыкты чыңдоо боюнча документтердин долбоорлорун жактырышты.
2023-жылдын май айында Кытайдын Сиань шаарында 6 өлкөнүн мамлекет башчыларынын катышуусунда «КЭР-БА» биринчи саммитинин алкагында кол коюу пландалууда.
