Кыргызстан менен БАЭ «Абу-Даби Кыргыз Инвестменттин» иштөө маселесин талкуулашты
Министрлер кабинетинин төрагасы Акылбек Жапаров Бириккен Араб Эмираттарынын вице-президенти шейх Мансур бин Заед Аль-Нахайян менен жолукту. Бул тууралуу минкаб билдирди.
Тараптар биргелешип түзүлгөн “Абу-Даби Кыргыз Инвестмент” ачык акционердик коомунун мындан ары иштөө маселелерине өзгөчө көңүл бурушту.
Сүйлөшүүлөрдүн жүрүшүндө соода-экономикалык, билим берүү, гуманитардык, инвестициялык жана башка тармактарда эки тараптуу кызматташтыкты тереңдетүүнүн учурдагы абалы жана келечеги талкууланды.
Инвестициялык кызматташуу маселелерин талкуулоо менен тараптар КРнын экономикасына тартылган эмираттык инвестициялардын көлөмүн көбөйтүүнүн жогорку динамикасын, анын ичинде энергетика тармагындагы долбоорлорду ишке ашырууну белгилешти.
Бул багытта БАЭнин Masdar компаниясы тарабынан КР аймагында күн электр станциясын куруу долбоору, ошондой эле бир катар инвестициялык долбоорлор белгиленди.
