Чехиялык эксперттер Бишкектин полигону менен таанышты
Бишкекте HDT Impex s.r.o. жана ReGreen s.r.o. компаниялар консорциумунун чех эксперттери полигонго барышты. Бул тууралуу шаардык мэрия билдирди.
Эксперттер учурдагы кырдаалга баа берүү үчүн барышты. Ошондой эле таштандыдан чыккан өрттөрдү өчүрүү маселесин жеринде чечүү каралды.
Белгилей кетсек, мамлекет башчынын, ошондой эле Бишкек шаарынын мэринин тапшырмасы менен Бишкектин айланасын ууландырган жана түтүндүн пайда болушуна өбөлгө түзгөн таштанды полигонундагы түтүнгө каршы күрөш активдүү жүргүзүлүүдө.
Эске салсак, борбор калаанын мэриясы чехиялык HDT Impex s.r.o. жана ReGreen s.r.o. компаниялардын консорциуму менен таштандыларды кайра иштетүү комплексин куруу боюнча биргелешкен инвестициялык долбоорду ишке ашыруу боюнча жол картасына жана кызматташуу ниети тууралуу протоколго кол койгон.
