Бажыны санариптештирүү жана бизнес менен өнөктөштүк форуму болду
Бүгүн, “Ала-Арча” мамлекеттик резиденциясында “Заманбап бажы: санариптик трансформация, эл аралык кызматташтык жана бизнес менен өнөктөштүк” аттуу форум болуп өттү.
Иш-чаранын уюштуруучусу, Мамлекеттик бажы кызматынын маалыматына караганда, ага бажы кызматынын, "МБИ" ААКтын, "Бирдиктүү терезе" борборунун, "Салык Сервис", "Кызмат" ишканаларынын өкүлдөрү, Электрондук коммерция ассоциациясы, мобилдик операторлор жана бизнес чөйрөсүнүн өкүлдөрү катышып, өз сунуштарын ортого салышты.
Форумду Мамлекеттик бажы кызматынын төрагасы Улан Кимсанов ачты. Иш-чаранын жүрүшүндө Министрлер Кабинетинин төрагасынын биринчи орун басары Данияр Амангельдиев, ДБУнун башкы катчысы, Түрк мамлекеттеринин уюмунун башкы катчысы Кубанычбек Өмүралиев жана Экономика жана коммерция министри Бакыт Сыдыковдор чыгып сөз сүйлөштү.
Бажы кызматынын маалыматы боюнча, форумдун программасы үч негизги бөлүмдөн турду. Алар:
- Дүйнөлүк тенденциялар боюнча стратегиялык диалог;
- Санариптик бажы жана тышкы соода инфраструктурасы;
- Бизнес үчүн практикалык сессиясы болду.
