«Альянс Алтын» жыл сайын Талас облусуна 150 млн сом бөлүп келет
«Альянс Алтын» ЖЧКсы жыл сайын «Альянс Алтын» өнүктүрүү фондуна 150 млн сом бөлүп берет, андан түшкөн каражат Талас облусун өнүктүрүүсүнө кетет. Бул тууралуу Economist.kgге «Альянс Алтын» компаниясынын колдоосу менен Эл аралык ишкерлер кеңеши тарабынан уюштурулган IBC TradEx 2023 форумунун алкагында кен казуучу компаниянын курулуш долбоорунун жетекчиси Чыңгыз Баканов билдирди.
«Альянс Алтындын» демөөрчүлүгү менен Таласта кант жана кыш заводун ишке киргизди. Ошондой эле, учурда фонд тарабынан облустагы тигүү цехи жана башка бир катар долбоорлор каржыланууда.
Белгилей кетсек, мындан эки жыл мурун «Альянс Алтын» ЖЧКсынын салыктык кирешеси Талас районун дотациядан алып чыккан. Ошондон бери облус өлкөнүн бардык облустары жана шаарлары арасында салык чогултуу боюнча 4-орунга көтөрүлдү. Ага чейин ал бул тизмеде акыркы орундарды ээлеген.
