«Кыргызиндустриянын» өкүлдөрү Кытайда өткөн 133-Кантон көргөзмөсүнө катышты
2023-жылдын 15-19-апрелинде Кытайдын Гуанчжоу шаарында өткөн 133-Кантон көргөзмөсүнө «Кыргызиндустрия» ААКнын жетекчилиги катышты. Бул тууралуу мамкомпаниянын маалымат кызматы билдирди.
Уюштуруучулардын берген маалыматы боюнча, Кантон көргөзмөсүнүн аянты 1.5 млн кв м ашык болгон. Аянтта 70 миңден ашык павильон болуп, аларга катышкан 34 миң компаниянын экспозициялары коюлган. Бул дүйнөдөгү эң чоң көргөзмө болуп эсептелет.
Ошондой эле «Кыргызиндустриянын» өкүлдөрү Сиань шаарында Shaanxi Heavy Duty Automobile Import and Export Co., Ltd компаниясынын партиялык комитетинин секретары жана башкы директору Tian Chaoв мырза менен жолугушту. Жолугушууда «SHACMAN» компаниясынын өкүлү бул компаниянын жүк ташуучу машиналары жана атайын техникалары 100дөн ашык чет өлкөлөргө жана региондорго сатыларын, экспорттун көлөмү боюнча алдыңкы орунда экенин, жүк ташуучу унааларды жасаган көптөгөн өндүрүштү кыймылдаткычтар, автомобилдин кыймыл өткөрүүчү коробкалар менен жабдып камсыздап тураарын айтып берди.
