Социалдык тармактарда «Альянс Алтын» компаниясына жана анын жетекчилигине шилтеме жасап, жалган маалыматтарды жарыялап, инвестициялык долбоорлорду ишке ашырып жатат деген фейк аккаунттар пайда болууда. Бул тууралуу ишкананын басма сөз кызматы билдирди.

Маалыматка ылайык, бул билдирүүлөр чындыкка дал келбейт. «Альянс Алтын» шылуундардын долбоорлоруна катышпоону жана алардын билдирүүлөрүнө көңүл бурбоосун өтүнөт. Мындан тышкары, шилтемелерди ээрчүү жана шылуундарга жеке маалыматтарыңызды берүү сунушталбайт. Мүмкүн болсо, социалдык тармактардын администрациясына бул баракчалар боюнча арызданыңыз.

Буга чейин тиешелүү арыз түзүлүп, укук коргоо органдарына жөнөтүлүп, Бишкек шаардык ички иштер башкы башкармалыгы тарабынан тергөөгө чейинки текшерүү иштери башталган. Көрүлгөн чараларга карабастан, шылуундар КР жарандарын алдоону улантууда, деп билдирет компания.

Альянс Алтын ошондой эле алтын же башка товарларды сатуу боюнча акцияларды өткөрбөйт. Компаниянын социалдык тармактардагы баракчалары компаниянын иши жөнүндө айтып берүү үчүн гана колдонулат.