Транспорт министрлиги жолдорду оңдоо иштерин улантууда
Транспорт жана коммуникациялар министрлиги Кыргызстанда жолдорду оңдоо иштерин улантууда. Бул тууралуу мекеменин маалымат кызматы билдирди.
Такталгандай, Бөкөнбаев-Көл-Төр-Дөң-Талаа унаа жолунун 45-46-чакырым аралыгындагы суу өтүүчү түтүктөрдү алмаштыруу жумуштары жүрүүдө.
Бишкек-Ош жолунун 315-427-чакырымдарында жол четин ирээтке келтирүү, жол элементтерин жана көпүрөлөрдү актап, сырдоо иштери аткарылды. Ошондой эле Үч-Терек-Өзгөрүш унаа жолундагы суу өтүүчү түтүктөр тазаланды (0-71-чакырым аралыгы).
Нарын шаарынын Ж. Алаев атындагы көчөсүнө асфальт төшөлдү (264 метр). Балыкчы-Бөкөнбаев-Каракол унаа жолунун жээгиндеги таштандыларды тазалоо жана жол белгилерин жаап калган чырпыктарды кыюу иштери жүрүүдө.
Ала-Бука-Жаңы-Базар-Кировка унаа жолунун 116-135-чакырым аралыгындагы жол белгилерин актап, сырдоо жумуштары аткарылды.
Баетов-Макмал унаа жолун тегиздөө иштери жүрүүдө (4-90-чакырым аралыгы).
