Кыргызстанда мыйзамсыз кумарканалардын ишмердүүлүгү токтотулду
КРнын УКМК тарабынан криптобиржы жана криптомайнинга кызматтарын көрсөтүүгө жамынып, мыйзамсыз оюн-зоок жайларынын ишмердүүлүгү аныкталды. Бул тууралуу мекеме билдирди.
Такталгандай, «Р.Г.» ЖЧКсы тиешелүү документтеринин уруксаттары жок иштеген. Жүргүзүлгөн тинтүү иштеринин жүрүшүндө мыйзамсыз аракеттерден ири суммадагы акча каражаттары табылып алынган.
«Мындан тышкары, тиешелүү салык төлөмдөрүн төлөөдөн качуу максатында, иш жүзүндөгү кирешени жашыруу документтештирилген фактылар аныкталды», - деп УКМК белгиледи.
Учурда жогоруда аталган кылмыш иштерине тиешеси бар адамдарды, ошондой эле республикалык бюджетке келтирилген зыяндын суммасын аныктоо боюнча кошумча ыкчам-тергөө иш-чаралары жүргүзүлүүдө.
