Салык кызматы 43 млн сом социалдык же мүлктүк эсептен чыгарып алууну кайтарып берди
Мамлекеттик салык кызматы 2022-жылы жана 2023-жылдын биринчи кварталында 3 миң 352 жаранга 43,2 млн сомду социалдык же мүлктүк эсептен чыгарып алуу түрүндө кайтарып берди. Бул тууралуу мекеменин маалымат кызматы кабарлады.
Бул сумманын 37.3 млн сому 2022-жылы, 5.9 млн сому ушул жылдын 1-кварталында кайтарылган. Анын ичинде 2706 адам 35.3 млн сом суммасында мүлктүк эсептен чыгарып алууну, 646 адам 7.9 млн сомго социалдык эсептен чыгарууну алган.
Социалдык эсептен чыгаруу салык төлөөчүнүн жана анын багуусундагы 24 жаштан ашпаган адамдардын билими үчүн алынышы мүмкүн. Социалдык эсептен чыгаруунун суммасы окуу үчүн төлөмдүн суммасына барабар, бирок билим берүү боюнча чегерүүлөрдү эсепке албаганда, салык төлөөчүнүн салык базасынын 10 пайызынан ашпоого тийиш. Үч же андан көп баласы барлар үчүн чегерүү 25 пайыздан ашпайт.
Мүлктүк салыктык эсептен чыгарып алуу – ипотекалык кредит боюнча пайыздарды төлөөгө жумшалган, бирок жылына 230 миң сомдон ашпаган каражаттын өлчөмүндө алынышы мүмкүн.
