Кыргызстандан тамеки буюмдарын мыйзамсыз алып чыгуу каналы токтотулду
Кыргызстан менен Казакстандын чек арасы аркылуу аткезчилик буюмдарды мыйзамсыз жүгүртүү аныкталды. Бул тууралуу УКМКнын басма сөз борбору кабарлады.
Маалыматка ылайык, «Ак-Жол-унаа жол» өткөрмө пунктунда К.А.К. аттуу жаран MERSEDES-BENS SPRINTER-416 үлгүсүндөгү автоунаасы менен 2078 блок тамеки буюмдарын акциздик маркасы жана эч кандай товардык документтери жок Казакстанга мыйзамсыз алып өтүүгө аракет кылып жаткан жеринен кармалган.
«Аталган унаанын жүк салчу бөлүгүн текшерүү учурунда атайын жабдылган чөнтөкчө табылган, тинтүүдө 35 куту (ар биринде 50 блоктон) жана 328 блок тамеки буюмдары табылып, акциздик маркалар жалпы саны 2078 блокту түзгөн тамеки буюмдары табылган», - деп айтылат билдирүүдө.
Алдын ала эсептөөлөр боюнча жогоруда аталган тамеки буюмдарына акциз салыгын төлөөдөн качуудан мамлекеттик бюджеттин чыгымы 1 млн сомдон ашык сумманы түздү.
