57 млн сомго зыян алып келген «Инфокомдун» бөлүм башчысы кармалды
Жабдыктарды кымбат баада сатып алуу фактысы боюнча «Инфоком» мамлекеттик ишканасынын бөлүм башчысы кармалды. Бул тууралуу УКМК билдирди.
Такталгандай, УКМК тарабынан козголгон кылмыш ишин иликтөөнүн алкагында КР Мамлекеттик каттоо кызматына (азыркы СӨМ) жабдыктарды жогорулатылган баада сатып алуу фактысы аныкталды.
«Кылмыш ишинин алкагында, тендердин кээ бир катышуучулары менен сүйлөшүп алып, IT-жабдыктарды кымбат баада сатып алып, ал эми алардын кээ бирлери иш жүзүндө сатып алынбай жасалма түрдө алынды кылган КР СӨМдүн алдындагы «Инфоком» мамлекеттик ишканасынын бөлүм башчысы кармалды. Кылмыш ишин тергөө учурунда тиешелүү экспертизалар дайындалып, алдын ала келтирилген чыгым 57 млн сомго жакынды түзгөн», - деп УКМК белгиледи.
Алынган далилдердин негизинде Т.Э.Б. Бишкек шаарынын Биринчи май райондук сотунун чечими менен КР УКМКнын тергөө абагына киргизилди. Учурда тергөө иштери жүрүп жатат.
