Энергетика министри Токтогул ГЭСинин күз-кышка даярдыгын текшерди
Энергетика министри Алтынбек Рысбеков Жалал-Абад облусуна болгон жумуш сапарынын алкагында Токтогул ГЭСине барып, энергетикалык объектилердин күз-кыш мезгилине даярдыгын текшерди. Бул тууралуу министрликтен кабарлашты.
Министр станциянын жабдууларынын учурдагы абалы, оңдоо иштери жана 2026-2027-жылдардын күз-кыш мезгилине даярдык менен таанышты.
Маалыматка ылайык, модернизация долбоорунун алкагында Токтогул ГЭСиндеги төрт гидроагрегаттын баары жаңыланып, ар биринин кубаттуулугу 300 МВттан 360 МВтга чейин жогорулаган. Натыйжада ГЭСтин жалпы кубаттуулугу 1200 МВттан 1440 МВтга чыгып, 240 МВтга көбөйгөн. Бул электр өндүрүүнү кеңейтүүгө жана энергетикалык коопсуздукту чыңдоого шарт түздү.
Ошондой эле министр Камбар-Ата-2 ГЭСинде №2 гидроагрегатты ишке киргизүү долбоорунун жүрүшү менен таанышты. Бул долбоор өлкөнүн өндүрүш кубаттуулугун кеңейтүүдө маанилүү орунду ээлейт.
Мындан тышкары Алтынбек Рысбеков Камбар-Ата-1 ГЭСинде даярдык мезгилиндеги курулуш иштеринин учурдагы абалын көрдү.
Сапардын жыйынтыгында министр жооптуу жетекчилерге тиешелүү тапшырмаларды берди
