Суу чарба кызматына 4.4 млрд сом каралган – Финансы министрлиги
2023-жылга КРнын Айыл чарба министрлигине караштуу Суу чарба кызматынын (борбордук аппарат, ведомстволук жана аймактык бөлүмдөр) чыгашалары 4.4 млрд сом суммасында каралган. Бул тууралуу Финансы министрлиги кабарлады.
Бул каражаттардын ичинде:
• бюджеттик каражаттар жана атайын каражаттар – 1.2 млрд сом эсебинде;
• мамлекеттик инвестициялык фонддор – 3.2 млрд сом.
Бюджеттик каражаттардын 1 млрд сому ирригациялык системаларды оңдоо жана калыбына келтирүү иштерине каралган. Бүгүнкү күнгө 362.1 млн сому бөлүндү.
Жыл ичинде төмөнкүдөй кошумча каражаттарды бөлүү чечими кабыл алынды:
• жер снаряддарын сатып алууга 199.4 млн сом;
• ошондой эле Суу кызматына лизингге атайын техникаларды сатып алууга жакынкы жылдарга 1 млрд сомго жакын каражат каралып, анын 350 млн сому 2023-жылы бөлүнөт.
