Транспорт министрлиги 250 чакырым жолду асфальттоону пландаштырууда
2023-жылы Транспорт министрлигине жолдорду оңдоого жана курууга 4.5 млрд сом каралган. Бул тууралуу Economist.kg Транспорт министрлигинин даярдоо жана пландаштыруу бөлүмүнүн башчысы Бектурсун Дыйканбаев билдирди.
Анын айытымында, алар быйыл 249 км асфальт төшөөнү пландап жатышат. Иштер Кыргызстандын бардык аймагында Транспорт министрлигинин балансында турган жалпы пайдалануудагы жолдордо жүргүзүлөт.
Ошондой эле, Балыкчы – Бөкөнбаев – Барскоон жолун реконструкциялоо каралган. Бүгүнкү күндө 20 чакырым асфальт төшөлсө, былтыр 18 чакырымга асфальт төшөлгөн. Балыкчы-Чолпон-Ата-Корумду унаа жолунда оңдоо иштери жүрүп, учурда 5 чакырым асфальт төшөлдү. Ош – Баткен – Раззаков унаа жолунун 28-чакырымынан 75-чакырымына чейин реконструкциялоо иштери жүрүп жатат, быйылкы жылга аталган тилкелерде 13 чакырымын реконструкциялоо пландалууда.
