Аравандын айыл аймактарынын бюджетинде 5.3 млн сомдук каржы бузуулары аныкталды

2021-2022-жылдар аралыгында Араван районунун бюджеттеринин түзүлүшүнө жана аткарылышына жүргүзүлгөн аудиттин жыйынтыгы боюнча, 5.3 млн сом жалпы суммасында каржы бузуулары аныкталды. Бул тууралуу Эсеп палатасы маалымдады.

Аудиттин жүрүшүндө, ири суммадагы төмөнкүдөй каржы бузуулары аныкталды:

· эмгек акыны негизсиз төлөөлөр – 224.2 миң сом;

· негизсиз чыгышталган акча каражаттары – 127.5 миң сом;

· сапар чыгымдарына ашыкча төлөөлөр – 47.1 мин сом;

· каражаттарды казыналыктан сырткары жумшоо – 71 мин сом;

· курулуш иштерине кошуп жазуулар – 4 млн сом;

· бюджеттик каражаттарды максатсыз пайдалануу – 423.5 миң сом;

· бухгалтердик эсептен дебитордук карыздарды жашыруулар – 64.4 миң сом;

· бюджетке кошумча кирешелерди эсептөө – 196.9 миң сом;

· социалдык фонддун бюджетине кошумча кирешелерди эсептөө – 108.4 миң сомду түзгөн.

Аныкталган финансылык бузуулардын ичинен өндүрүүгө жатканы 5.1 млн сом болсо, анын ичинен аудит убагында өндүрүлүп, ордуна коюлганы 1.7 млн сом жана өндүрүлбөй калганы 3.4 млн сомду түздү.