Ысык-Көлдө полиэтилен колдонууга тыюу салынат - Бакыт Төрөбаев
Министрлер кабинетинин төрагасынын орун басары Бакыт Төрөбаев айлана-чөйрөгө жана адамдардын саламаттыгына зыян келтирген желимден жасалган буюмдардан экологиялык жактан таза кагаздан жасалган буюмдарга өтүүнү минкаб этап-этабы менен жүрүзөөрүн билдирди.
Минкабдын маалыматына ылайык, Ысык-Көлдү сактоо жана биосфералык зонасынын экологиялык кыйроосун алдын алуу, ошондой эле экологиялык коопсуздукту камсыз кылуу максатында «Ысык-Көлдүн экологиясын сактоо боюнча кечиктирилгис чаралар жөнүндө» жарлыгы чыгарылган.
«Учурда президенттин жарлыгын ишке ашыруу максатында КРнын министрлер комитетинин токтом долбоору даярдалууда. Бардык ченемдик укуктук актылар күчүнө киргенден тартып сунушталган нормаларды ишке ашыруу боюнча далилдүү иш алып баруунун мөөнөтү белгиленет жана чектөө чаралары этап-этабы менен киргизилип баштайт», – деди Төрөбаев.
