Жыл башынан бери «Кыргыз жылуулук энерго» 70%га каржыланды
2023-жылга республикалык бюджеттен «Кыргыз жылуулук энерго» мамлекеттик ишканасынын жылуулук энергиясын субсидиялоого «Мамлекеттик ишканаларга субсидиялар» беренеси боюнча 1.6 млрд сом каралган. Бул тууралуу Финансы министрлиги билдирди.
Такталгандай, бул чыгашалар калк үчүн жылуулук энергиясына тарифтерди мамлекеттик жөнгө салууга байланыштуу «Кыргыз жылуулук энерго» ишканаларынын жылуулук менен камсыздоодо жоготуулдын ордун толтуруу үчүн каралган. 2023-жылдын 15-июнуна карата 1.1 млрд сом суммасында чыгашалар каржыланып, бекитилген каражаттын 70.5%ын түздү.
Алсак, 2022-жылдын 5 айынын жыйынтыгы боюнча «Кыргыз жылуулук энерго» мамлекеттик ишканасына 760 млн сом бөлүнгөн болсо, быйыл өткөн жылдын ушул мезгилине салыштырмалуу 347 млн сомго көп каржыланды.
Бюджеттик мыйзамдарга ылайык которулган каражаттарды андан ары бөлүштүрүү «Кыргыз жылуулук энерго» мамлекеттик ишкансына жүктөлөт.
